Bakı Şəhər Mədəniyyət Baş İdarəsinin tabeliyində olan Binəqədi Mərkəzi Mədəniyyət evi və Surxay Noçuyev adına Zəngilan rayon 1 nömrəli tam orta məktəbin birgə təşkilatçılığı ilə istedadlı qələm sahibi, şair Vaqif Qüdrətin “Zübeydə” romanının təqdimatı keçirilib.

Tədbirdə şəhid ailələri, mədəniyyət işçiləri, şairin ailə üzvləri və digər qonaqlar iştirak ediblər.

İlk olaraq Azərbaycan Respublikasının Dövlət Himni səsləndirilib sonra yazarın əziz xatirəsi bir dəqiqəlik sükutla yad edilib.

Tədbirdə Vaqif Qüdrətin həyat və fəaliyyəti haqqında məlumat verilib. Bildirilib ki, onun “Zəngilana gedən yollar”,  “Bir ömür həsrət”, “Dünya o dünya deyil” kitabları işıq üzü görüb. “Zübeydə” romanı şairin sayca dördüncü kitabıdır.

Daha sonra məktəbin şagirdləri və poeziya dərnəyinin üzvlərinin ifasında yazarın öz şeirlərindən ibarət kompozisiyalar təqdim edilib.