Bakı Şəhər Mədəniyyət Baş İdarəsinin və Bakı Şəhər Gənclər və İdman İdarəsinin Sabunçu Sektorunun təşkilatçılığı ilə narkomaniyaya qarşı mübarizəyə həsr olunmuş “Aslılıqdan azadlığa “ adlı tədbir keçirilib.

Sabunçu Gənclər Evində keçirilən tədbirdə çıxış edənlər narkomaniyanın cəmiyyətə mənfi təsirlərindən, narkotik maddələrin insan sağlamlığı üçün törətdiyi fəsadlardan bəhs ediblər. Gənclərin narkomaniya və digər zərərli vərdişlərə aludə olmalarının qarşısının alınması üçün maarifləndirmə, təbliğat və profilaktika işlərinin daha düzgün şəkildə aparılmasının zəruriliyindən söz açıblar.

Daha sonra tədbir bədii hissə ilə davam edib.

Qeyd edək ki, tədbirin əsas məqsədi gənclərin sağlam həyat tərzinə təşviq edilməsi və zərərli vərdişlərdən uzaq tutulmasının vacibliyini diqqətə çatdırmaqdır.