Noyabr 4-də Bakı Şəhər Mədəniyyət Baş İdarəsinin tabeliyində olan Mərdəkan Mədəniyyət Sarayı, Dövlət Sərhəd Xidmətinin Xüsusi Məktəbi və 156 nömrəli tam orta məktəbin birgə təşkilatçılığı ilə “Zəfərin mübarək Azərbaycan” adlı tədbir keçirilib.

Mərdəkan Mədəniyyət Sarayında baş tutan tədbirdə ilk öncə Azərbaycan Respublikasının Dövlət Himni səsləndirilib. Sonra Vətən uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Tədbirdə bildirilib ki, 2020-ci il sentyabrın 27-dən başlayan 44 gün davam edən işğal altındakı ərazilərimizin qaytarılması ilə nəticələnən Vətən müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrilib.

Bədii hissədə “Lalələr” rəqs ansamblı, məktəbin şagirdləri və kursantlar  “Zəfər günü”nə həsr olunmuş şeirlər, musiqi nömrələri ilə çıxış ediblər.