XƏBƏRLƏR
MƏLUMAT
Yazıçı, şair Şövkət Zərin Horovlunun yaradıcılıq gecəsi keçirilib
ÜMÜMİ XƏBƏRLƏR
24/04/2024 16:45

Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin Mərkəzi Kitabxanası şair, yazıçı-publisist Şövkət Zərin Horovlunun yaradıcılıq gecəsini keçirib.

Yasamal rayon Heydər Əliyev Mərkəzində keçirilən tədbirdə mədəniyyət, elm və təhsil işçiləri, jurnalistlər, ədiblər, ziyalılar və ictimaiyyət nümayəndələri iştirak ediblər.

Qonaqlar ilk öncə Mərkəzin Muzey bölməsini ziyarət ediblər.

Tədbir Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başlanıb.

Çıxış edənlər yazıçının həyat və yaradıcılığı haqqında məlumat veriblər, ona yeni yaradıcılıq uğurları arzulayıblar.

Daha sonra yazıçıya həsr olunmuş videoçarx nümayiş olunub.

Tədbirin bədii hissəsində Azərbaycan Milli Konservatoriyası tərkibində İncəsənət Gimnaziyasının müəllim və şagirdləri, həmçinin kitabxananın əməkdaşı Şövkət Horovlunun şeirlərini söyləyib, yazara maraqlı suallarla müraciət ediblər.

Sonda Şövkət Horovlu kitabxanaya  kitablarını hədiyyə edib.

Baxış sayı: 276