XƏBƏRLƏR
MƏLUMAT
Yazıçı-publisist Hacı Qəni Camalzadə ilə görüş keçirilib
ÜMÜMİ XƏBƏRLƏR
24/01/2024 16:51

Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana Sisteminin Mərkəzi Kitabxanasının təşkilatçılığı ilə tanınmış yazıçı-publisist, Qarabağ müharibəsinin veteranı Hacı Qəni Camalzadə ilə görüş keçirilib.

İlk öncə Azərbaycan Respublikasının Dövlət Himni səsləndirilib.

Sonra yazıçının həyat və yaradıcılığına həsr olunmuş videoçarx nümayiş etdirilib. 

Tədbirdə çıxış edənlər Qəni Camalzadənin əsərlərində real həyat həqiqətlərinin özünəməxsus ustalıqla qələmə alındığını vurğulayaraq, istedadlı yazıçının yaradıcılığını yüksək qiymətləndiriblər.

Qəni Camalzadə çıxışında yaradıcılıq planlarından danışıb, əsərlərində cəmiyyəti düşündürən problemlərdən, xeyirlə şərin mübarizəsindən bəhs edib.

Sonda kitabxananın ədəbiyyat dərnəyinin üzvləri yazıçının “Qayçı” hekayəsini səhnələşdiriblər.

Baxış sayı: 276