Bakı Şəhər Mədəniyyət Baş İdarəsinin tabeliyində olan Səbail rayon Mərkəzləşdirilmiş Kitabxana Sisteminin Mərkəzi Kitabxanasında Azərbaycan Yazıçılar və Jurnalistlər birliklərinin üzvü, yazıçı-publisist Əlisəfa Azayev ilə görüş keçirilib.

Tədbirdə AMK tərkibində İncəsənət Gimnaziyasının şagird və müəllim kollektivi, kitabxananın fəal oxucuları iştirak ediblər.

Görüşdə Əlisəfa Azayevin həyat və yaradıcılığı haqqında məlumat verilib, əsərlərinin sujet xətti, ideyası, personajları haqqında maraqlı fikirlər söylənilib. Həmçinin yazıçının yaradıcılığını əks etdirən kitab sərgisi nümayiş olunub.

Sonda yazıçı publisist Ə.Azayev oxucuların ona ünvanladığı sualları cavablandırıb, maraqlı görüş üçün hər kəsə minnətdarlığını bildirib.