
Noyabrın 6-da Azərbaycan Yazıçılar Birliyinin (AYB) “Natəvan” klubunda yazıçı-publisist Günel Anarqızının “Sərhədsiz səma” adlı yeni kitabının təqdimatı olub.
AZƏRTAC xəbər verir ki, Zəfər Günü və Dövlət Bayrağı Günü ərəfəsində işıq üzü görən və tariximizin bu şanlı günlərinə həsr olunan kitabın təqdimat mərasimində tanınmış elm və mədəniyyət xadimləri iştirak ediblər.
Kitabın “Ön söz”ünün müəllifi, Azərbaycan Yazıçılar Birliyinin katibi yazıçı-dramaturq İlqar Fəhmi Günel Anarqızının yaradıcılığından və yeni nəşrin məziyyətlərindən danışıb. Bildirib ki, onun sırf epistolyar janrda yazılmış məktub-esselərinin hərəsində bir kitablıq hiss və duyğular sığışıb. Amma onun digər kitabları da nədənsə gizli məqamları, sirli mətləbləri üzə çıxaran səmimi məktublar təəssüratı yaradır. Günelin həm məktubları, həm də kitabları birbaşa yaddaş faktoru ilə əlaqəlidir. Bu məktublar zahirən nə qədər bədbin və ümidsiz görünsə də, hər birində gizli bir ümid, sinmaz bir inam var.
AYB-nin katibi vurğulayıb ki, Günel Anarqızı sanki qısa duyğusal epistolyar mətnlər vasitəsilə Qarabağ hadisələrinin həm dünənini, həm bu gününü, həm də sabahını əhatə etməyə çalışır: “Əslində, Günelin məktublarındakı bu ikili duyğu bütün xalqımızın daxilindəki əhvali-ruhiyyəni əks elətdirir. Otuzillik bədbinlik, ümidsizlik, hətta yorğunluq və nəhayət böyük Zəfərin təntənəsi. O, əsərlərində öz təxəyyülü ilə sanki zamandan yuxarıda dayanır və bu təxəyyül bir müddət sonra reallığa çevrilir. Bunu mistika kimi də qəbul etmək olar, intuisiya kimi də...”.
“Daha bir maraqlı məqam da Azərbaycanda ilk dəfə məhz bu kitabın interaktiv formada təqdim olunmasıdır. Hər əsərin sonundakı QR kod vasitəsilə internetə daxil olan oxucular həm dinləyiciyə, həm də tamaşaçıya çevriləcək, əsərləri audiovizual formatlarda dinləyib izləyə biləcəklər”, - deyə İlqar Fəhmi diqqətə çatdırıb.
Milli Məclisin Mədəniyyət komitəsinin sədri Polad Bülbüloğlu Günel Anarqızını istedadlı bir qələm adamı kimi xarakterizə edərək onun əsərlərinin bizi daim qələbəyə səslədiyini söyləyib. Bildirib ki, istedadlı yazıçının əvvəlki əsərləri kimi, bu əsəri də oxucular tərəfindən maraqla qarşılanacaq.
Azərbaycan Milli Elmlər Akademiyasının prezidenti akademik İsa Həbibbəyli bildirib ki, Günel Anarqızı ədəbiyyatımızda öz dəst-xətti olan qələm sahiblərindəndir: “Onun ictimai fəaliyyəti, təşkilatçılıq bacarığı və yazıçılıq istedadı vəhdət təşkil edir. O, yaşadıqlarını, duyğularını, hisslərini sözlə ifadə etməklə yanaşı, həm də onu çox böyük ustalıqla oxucuya çatdırmağı bacarır. Bunu nəsrlə ifadə etməyin özü də onun böyük bacarığından xəbər verir. O, əsərlərini fərqli janrlarda qələmə alıb. Onun məktub janrına müraciət etməsi heç də təsadüfi deyil. Məktub, əslində, insanın hiss və duyğularını, fikir və düşüncələrini ifadə etmək üçün bir fürsətdir. Bu fürsətdən məharətlə yararlanan Günel xanım sanki onu bir nəfərə deyil, bütövlükdə çoxluğa, bütün oxuculara ünvanlamağı bacarır”.
Tədbirdə Bakı Şəhər İcra Hakimiyyətinin başçısı Eldar Əzizov, Xalq yazıçısı Elmira Axundova, tarixçi-alim Həsən Həsənov, Xalq artistləri Fəxrəddin Manafov, Mehriban Zəki, Əməkdar artist Nərgiz Cəlilova, Xalq yazıçıları Çingiz Abdullayev, Anar, ədəbi tənqidçi Əsəd Cahangir, AYB-nin katibləri şair-tərcüməçi Səlim Babullaoğlu və yazıçı Elçin Hüseynbəyli çıxış edərək Günel Anarqızının yaradıcılığı və onun yeni kitabı ilə bağlı fikirlərini bölüşüblər. Bildirilib ki, müasir Azərbaycan nasiri və publisisti Günel Anarqızı 10-dan çox kitabın müəllifidir. Əsərləri bir neçə xarici dilə tərcümə olunub və geniş oxucu kütləsi tərəfindən maraqla qarşılanıb. Onun “Qarabağ hekayələri” adlı beynəlxalq layihəsi bir çox xarici ölkədə geniş oxucu kütləsinə təqdim edilib. “Sərhədsiz səma” kitabında Günel Anarqızının vətənpərvərlik ruhunda yazılmış və əvvəllər nəşr olunmamış yeni əsərləri yer alıb. Əsərlərdən biri, 44 günlük Vətən müharibəsindən xeyli əvvəl, Qələbədən tam 111 gün öncə yazılmış "Sərhədsiz səma" radiopyesi iki döyüşçünün dialoqu üzərində qurulub və Qarabağın azad olunmasının müjdəçisinə çevrilib.
Kitabda, həmçinin "Şuşam", "Ataya məktub", "Bayrağa ithaf", "Şəhərim", "Sonsuzluq" kimi hekayələr, Xalq yazıçısı Anarın "Beşmərtəbəli evin altıncı mərtəbəsi" romanının davamı olan "Altıncı" povesti və digər əsərlər də yer alıb.
Tədbirdə “16 səbəb”, “Bayrağa ithaf” və "Şəhərim" adlı videoçarxlar nümayiş olunub.
Sonda bütün iştirakçılara təşəkkürünü bildirən müəllif bundan sonra da Azərbaycan ədəbiyyatının inkişafı naminə yazıb-yaradacağını söyləyib.






- 15:55 Milli Kitabxanada “Xalq yazıçısı Sabir Əhmədli - 95” adlı sərgi açılıb
- 12:22 Gənclər Kitabxanasında Xalq yazıçısı Sabir Əhmədlinin xatirəsi yad edilib
- 09:39 Şuşa Dövlət Musiqili Dram Teatrında “Ümid işığı” tamaşasının premyerası keçirilib
- 09:35 Bu gün yazıçı Sabir Əhmədlinin doğum günüdür
- 09:29 Baku TV-nin “Söz” filminin təqdimatı keçirilib
- 09:28 “Nəvə” sənədli filminin çəkilişləri başlayır
- 09:19 Qəbələ Beynəlxalq Musiqi Festivalı başlayır
- 17:15 UNESCO gəncləri “İpək yolu gənclərin gözü ilə” 7-ci fotomüsabiqədə iştirak etməyə dəvət edir
- 14:54 “Yol əhvalatı” filmi nümayiş olunub
- 14:26 Azərbaycan-İsrail kinematoqrafçılarının birgə filmi təqdim olunub
- 14:09 “Vətən” musiqi qrupu iki nominasiya üzrə beynəlxalq festivalın qalibi olub
- 11:39 Milli Kitabxanada Seyid Əzim Şirvaniyə həsr olunmuş sərgi açılıb
- 11:15 "Azad" rəqs ansamblı "Dostluq körpüsü" adlı hesabat konserti təqdim edib
- 10:13 Bu gün şair Seyid Əzim Şirvaninin doğum günüdür
- 09:40 Bu gün Xalq şairi Nigar Rəfibəylinin anım günüdür
- 16:58 Azərbaycanda kino istehsalına yeni dövlət dəstəyi mexanizmi
- 16:44 "Kitabı sevək və sevdirək" adlı mütaliə saatı keçirilib
- 16:15 Azərbaycan və Kolumbiya milli kitabxanaları arasında qarşılıqlı əlaqələrin genişləndirilməsi müzakirə edilib
- 16:10 ARKA-da Bədii şura üzvlərinin iştirakı ilə görüş keçirilib
- 14:43 Aktyorluğu öyrən layihəsi üzrə yeni diplom tamaşaları təqdim olunub
- 14:39 UNESCO: Ümumdünya İrs Komitəsinin 47-ci sessiyasında Azərbaycanın bəyanatı təqdim olunub
- 11:33 Bu gün Xalq artisti, teatr aktyoru Zülfüqar Baratzadənin anadan olmasının 94-cü ili tamam olur
- 10:34 Vaqif Poeziya Günləri poeziyasevərləri yenidən bir araya gətirir
- 10:08 Xəzər rayon MKS-nin Mərkəzi Kitabxanası "Mütaliəni sevirik"adlı yeni layihəyə start verib
- 09:42 Qaradağ rayon Heydər Əliyev Mərkəzinə ekskursiya təşkil edilib
- 09:32 Bu gün Xalq yazıçısı Gülhüseyn Hüseynoğlunun anım günüdür
- 09:21 Milli Məclisdə tarix və mədəniyyət abidələrinin qorunması ilə bağlı ictimai dinləmə keçirilib
- 14:46 UNESCO: Azərbaycan Ümumdünya İrs Komitəsinin 47-ci sessiyasında təmsil olunur
- 14:43 Direktor və direktor müavinlərinin işə qəbulu üzrə müsabiqənin yekun nəticələri açıqlanıb
- 11:34 İƏT-in jurnalının növbəti nömrəsində ICESCO missiyasının Azərbaycanın işğaldan azad edilmiş ərazilərində fəaliyyəti barədə məqalə dərc olunub
- 09:46 Bu gün Əməkdar artist Ələkbər Hüseynovun doğum günüdür
- 09:34 Şəki “İpək Yolu” XIV Beynəlxalq Musiqi Festivalı başa çatıb
- 09:27 “ƏSA” Teatrından növbəti yenilik: hibrid tamaşa
- 17:33 Bakıda “Şən Hazırcavablar” Yunior Liqası Festivalı uğurla başa çatıb
- 17:22 Şəki “İpək yolu” XIV Beynəlxalq Musiqi Festivalına start verilib
- 16:06 İşğaldan azad edilən ərazilərdə 44 yeni abidə dövlət mühafizəsinə götürüldü
- 14:55 Bakıda inklüziv rəqs tamaşasının premyerası olub
- 14:37 Mədəniyyət Nazirliyində mərakeşli jurnalistlərlə görüş keçirilib
- 10:51 “Heydər Əliyev və muzeylərimiz” adlı layihə davam edir
- 10:39 “Qoğalın sərgüzəştləri” adlı nağıl-tamaşa nümayiş olunub
- 10:24 Xətai rayon Heydər Əliyev parkında konsert keçirilib
- 09:24 Muzey Mərkəzində “Sənin adın nədir” adlı sərgi açılıb
- 09:18 Bakıda “Daşları yığmaq vaxtıdır” kitabının təqdimatı olub
- 09:16 Karlovı Varı Beynəlxalq Kinofestivalında 9 saatlıq film nümayiş olunacaq
- 16:15 Milli Kitabxanada “Naxçıvan. Biblioqrafiya” kitabının təqdimatı olub
- 14:37 Günay Əfəndiyeva "Özbəkistanın mədəniyyət elçisi" medalı ilə təltif edilib
- 14:35 Qədim Şəki “İpək Yolu” XIV Beynəlxalq Musiqi Festivalına hazırlaşır
- 14:30 Azərbaycan ilk dəfə Çinin ən böyük televiziya və film bazarında təmsil olunub
- 12:32 Mədəniyyət Nazirliyi tərəfindən elan olunan “Zəfərdən qələmə” pyes müsabiqəsi davam edir!
- 12:29 Gənclər Kitabxanasında Seyid Əzim Şirvaninin anadan olmasının 190 illiyi çərçivəsində silsilə materiallar hazırlanıb
- 09:34 Əməkdar artist Sahib Paşazadə “Özbəkistanın mədəniyyət elçisi” medalı ilə təltif edilib
- 09:29 Azərbaycan və Özbəkistan mədəniyyət nazirləri arasında görüş keçirilib
- 09:23 Musiqi və incəsənət məktəbləri müəllimlərinin 2025-ci il üzrə nəzərdə tutulan attestasiyası başa çatıb
- 16:09 “Sirli dolça” – yeni kukla tamaşasının premyerası olacaq
- 15:18 Milli Kitabxanada professor Xəlil İsmayılovun 80 illik yubileyi münasibətilə sərgi açılıb
- 14:23 Filarmoniyada Dövlət Simfonik Orkestrinin növbəti konserti keçirilib
- 14:19 Uşaq Kitabxanasında folklorla bağlı veblioqrafiya hazırlanıb
- 11:08 Azərbaycan Bəstəkarlar İttifaqının yaranma günü konsert proqramı ilə qeyd olunub
- 09:34 Bu gün Xalq artisti Tofiq Mövləvinin anadan olmasının 87-ci ili tamam olur
- 09:17 Azərbaycanlı kinooperator “Euro Cine Expo – 2025” adlı beynəlxalq sərgidə iştirak edib