Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində Əməkdar elm xadimi, görkəmli oftalmoloq-alim, akademik Zərifə Əliyevanın anadan olmasının 102-ci ildönümü münasibətilə kinorejissor, Xalq artisti Vaqif Mustafayevin çəkdiyi “Əsl məhəbbət haqqında” sənədli filmi nümayiş olunub.

Film nümayişində Yasamal rayon 158 nömrəli tam orta məktəbin şagirdləri iştirak ediblər.

Əvvəlcə şagirdlərə Zərifə xanım Əliyevanın  zəngin elmi fəaliyyəti və film haqqında ətraflı məlumat verilib. Bildirilib ki, filmdə Ümummilli Lider Heydər Əliyevin həyat yoldaşı Zərifə Əliyevaya bəslədiyi ülvi və yüksək məhəbbətdən bəhs edilir.

Film arxiv materialları, sənədli kadrlar və müxtəlif xatirələr əsasında qurulub.