Bakı Şəhər Mədəniyyət  Baş İdarəsinin tabeliyində olan Yasamal rayon Heydər Əliyev Mərkəzində “Konstitusiya və Suverenlik ili“ çərçivəsində Azərbaycan xalqının Ümummilli lideri Heydər Əliyevin anadan olmasının 102-ci ildönümünə həsr olunmuş şeir, inşa-yazı və rəsm müsabiqələrinin yekun seçim mərhələsi keçirilib. 

İlk öncə qonaqlar Mərkəzin ekspozisiya zalında Ulu Öndərin büstünü ziyarət ediblər.

Daha sonra tədbirdə Mərkəzdə keçirilən müsabiqələr haqqında məlumat verilib və müsabiqə iştirakçılarına uğurlar arzulanıb.

Çıxışlarda Heydər Əliyevin Azərbaycan cəmiyyətinin vahidliyinin, bütövlüyünün təmin olunması və hüquqi dövlət quruculuğu istiqamətində misilsiz xidmətlərindən danışılıb, müsabiqələrdə iştirak edən məktəblilərə tövsiyyələr verilib.

İlk  olaraq inşa-yazı müsabiqəsinin iştirakçıları ”Heydər Əliyev-Suveren Azərbaycanın hüquqi təməlini qoyan lider” mövzusunda  yazdıqları inşalarını təqdim ediblər. “Şərəfli ömrün misraları” adlı şeir müsabiqəsinin iştirakçıları isə öz şeirlərini səsləndiriblər. Daha sonra münsiflər “Ümummilli  liderin ideyaları işığında suveren Azərbaycan” adlı rəsm müsabiqəsinin iştirakçılarının əl işlərindən ibarət rəsm əsərləri ilə tanış olublar.

Sonda münsiflər iştirakçılar haqqında fikir mübadiləsi apararaq qiymətləndirmə prosesini həyata keçiriblər.