Bakı Şəhər Mədəniyyət Baş İdarəsinin tabeliyində olan  Yasamal rayon Heydər Əliyev Mərkəzində Ulu Öndər Heydər Əliyevin  anım  günü  ilə əlaqədar dəyirmi masa keçirilib.

Dəyirmi masada Yasamal rayon 38 və 52 nömrəli  tam orta məktəblərin müəllim və şagird kollektivi iştirak ediblər.

Şagirdlər öncə Mərkəzin ekspozisiya zalında dahi şəxsiyyət, Ulu Öndər Heydər Əliyevin zəngin siyasi irsi və Azərbaycanın ictimai – siyasi, sosial – iqtisadi və mədəni həyatının bütün sahələrindəki xidmətlərini özündə əks etdirən eksponatlarla tanış odublar.

Sonra şagirdlərə Xalq artisti,  rejissor Vaqif Mustafayevin Heydər Əliyevin həyat və fəaliyyətindən bəhs edən 12 sənədli filmindən XI film olan “Heydər Əliyev. Dövlət" filminin II hissəsi təqdim olunub.

Film 70-ci illərdə respublika rəhbərliyinə gələn və Azərbaycanı şöhrətləndirən Heydər Əliyevin, sonradan, müstəqillik dövründə möhtəşəm bir dövlət yaratmasından, Ümummilli liderin  dövlət quruculuğu yolunda bir çox maneə və çətinliklərlə üzləşsə də  onların öhdəsindən qəhramancasına gəlməsindən  bəhs edir.