Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində “Zamanı  qabaqlayan  Dahi” və “Azərbaycan tarixində Heydər Əliyev şəxsiyyəti”  mövzularında açıq dərs keçirilib.

Ulu Öndər Heydər Əliyevin anım gününə həsr olunmuş açıq dərsdə Yasamal  rayon  53 və 158 nömrəli tam orta məktəblərin şagird və müəllim kollektivi iştirak  ediblər.

Məktəblilər öncə Mərkəzin Muzey bölməsində Ulu Öndər Heydər Əliyevin əziz xatirəsin yad ediblər. Şagirdlərə Ulu Öndərin həyatının və ictimai–siyasi fəaliyyətinin müxtəlif dövrlərini, zəngin və çoxşaxəli siyasi irsini, ölkəmizin tərəqqisi uğrunda göstərdiyi çox saylı xidmətləri özündə əks etdirən eksponatlar və fotoşəkillər haqqında məlumat  verilib.

Açıq dərs Azərbaycan Respublikası Dövlət Himninin səsləndiriliməsi ilə başlanıb.Sonra Ümummilli lider Heydər Əliyevin əziz xatirəsi bir dəqiqəlik sükutla yad edilib.

Açıq dərsdə məruzələr dinlənilib, Ümummili liderin anım günü ilə bağlı videoçarx nümayiş olunub,  məktəblilər şeir nümunələri ilə çıxış ediblər.

Sonda açıq dərs  şagirdlərin mövzu ətrafında maraqlı diskusiyaları ilə davam edib.