İyulun 25-də Bakı Şəhər Mədəniyyət Baş İdarəsinin təşkilatçılığı ilə Nizami rayonu 1nömrəli Uşaq Evi Sosial Xidmət Müəssisəsində tədbir keçirilib.

Tədbirin keçirilməsində əsas məqsəd mədəni-maarif müəssisələrinin uşaq evləri ilə əlaqələrini gücləndirmək , bu məktəblərdə tərbiyə alan uşaq və yeniyetmələrin istirahətinin , asudə vaxtlarının səmərəli təşkil etməkdir.

Tədbirdə qonaq qismində iştirak edən Əməkdar artist, tanınmış aktrisa, aparıcı Dilarə Əliyeva çıxışında hər kəsi salamlayaraq, tədbiri açıq elan edib və uşaqlarla səmimi söhbət edib.

Sonra Zirə qəsəbə Mədəniyyət Mərkəzinin “Empathy” dram dərnəyinin “Yağışı sevməyən uşaq” adlı tamaşası nümayiş olunub.

Tamaşanın personajları sağlam təbiət, sağlam insanlar, ekoloji sabitlik və təbiətin bizə olan hədiyyələrinin yüksək duyarlılıqla qorunub gələcək nəsillərə ötürülməsi barədə uşaqları məlumatlandırıblar.

Sonda uşaqlara Təhsil nəşriyyatı tərəfindən kitab hədiyyələri təqdim olunub.