Fevralın 26-da Bakı Şəhər Mədəniyyət Baş İdarəsinin tabeliyində olan Şüvəlan qəsəbə Mədəniyyət evində Xocalı faciəsinin 33-cü ildönümünə həsr olunmuş tamaşa təqdim edilib.

Əvvəlcə Xocalı soyqırımı zamanı amansızca qətlə yetirilmiş həmvətənlərimizin xatirəsi bir dəqiqəlik sükutla  yad edilib.

Sonra Xocalı faciəsi haqqında məlumat verilib. Qeyd olunub ki, Xocalı soyqırımı erməni silahlı birləşmələrinin Azərbaycana hərbi təcavüzünün ən qanlı səhifəsidir. Aylarla mühasirədə saxlanılan bu şəhər, erməni faşistləri və onların havadarları tərəfindən bir gecənin içində yerlə-yeksan edilib. Xocalı faciəsi təkcə Azərbaycan xalqına qarşı deyil, həm də bütün bəşəriyyətə qarşı yönəldilmiş cinayətdir.

Bədii hissədə Mədəniyyət evinin “Günəş” poeziya dərnəyinin və dram dərnəyinin üzvlərinin iştirakı ilə tamaşa təqdim edilib. Tamaşanın ssenari müəllifi  Vüsal Məmmədov , rejissoru Güləndam İskəndərovadır.

Tədbirdə Xocalı faciəsinə həsr olunmuş rəsm sərgisi nümayiş olunub və şeirlər səsləndirilib.