Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana Sisteminin Mərkəzi Kitabxanasında Korrupsiyaya qarşı mübarizə ilə bağlı dəyirmi masa keçirilib. Tədbirdə korrupsiyaya qarşı mübarizənin gücləndirilməsinə dair 2022─2026-cı illəri əhatə edən çoxşaxəli Milli Fəaliyyət Planı haqqında ətraflı məlumat verilib, mövzu ilə bağlı videoçarx nümayiş olunub, kitabxana əməkdaşlarının mühazirəsi dinlənilib.

Bildirilib ki, ümumi inkişafa və təhlükəsizliyə mənfi təsir göstərən korrupsiya qanunun aliliyinə və sosial ədalətə ciddi təhlükə yaradır, iqtisadi və sosial inkişafı ləngidir, əlverişli biznes mühitinin yaranmasına mane olur.