Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana Sisteminin Mərkəzi Kitabxanasında gənc yazar Səbinə Bayramovanın kitab təqdimatı keçirilib.

Tədbirdə 136 və 149 nömrəli tam orta məktəblərin müəllim və şagird kollektivi, fəal oxucular iştirak ediblər.

Tədbirdə qeyd edilib ki, Səbinə Bayramova əbədi fəaliyyətinə 2017-2018-ci illərdə başlayıb. 2021-ci ildə onun ilk psixoloji janrda olan “Yaralı ruhlar” kitabı işıq üzü görüb. Daha sonra qadınlara həsr olunan “Mən qadınam və qorxmuram”, “Mənim qızım”  adlı əsərləri nəşr olunub. Ən sonuncu və fərqli üslubda yazılmış əsəri isə “Jolly Gamza” (Gülüş Kraliçası Qəmzə) adlı karikatura kitabıdır.

Tədbirdə çıxış edənlər yazıçının yaradıcılığını yüksək qiymətləndirərək ona gələcək işlərində uğurlar arzulayıblar.

Sonda müəllif kitabxanaya, tədbir iştirakçılarına öz təşəkkürünü bildirib və balacaları "Gülüş Diplomu" ilə mükafatlandırıb.