Noyabrın 4-də Bakı Şəhər Mədəniyyət Baş İdarəsinin tabeliyində olan Xətai rayon Mərkəzləşdirilmiş Kitabxana Sisteminin Mərkəzi Kitabxanasında Korrupsiyaya qarşı  mübarizə ilə bağlı dəyirmi masa keçirilib.

Tədbirdə qeyd olunub ki, korrupsiya hallarına qarşı mübarizə tədbirlərinin gücləndirilməsi daim diqqət mərkəzində saxlanılır. Bu məqsədlə son illərdə bir sıra tədbirlər həyata keçirilib, mübarizə metodlarının daha səmərəli olması üçün qanunvericilik bazası gücləndirilib.

Qeyd edək ki, tədbir  “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın icrası üzrə Azərbaycan Respublikası Mədəniyyət Nazirliyinin 2024-cü il üçün iş Planının icrası ilə əlaqədar təşkil edilib.