Aprelin 15-də Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində şəhid Musayev Xəqaniyə həsr edilmiş “Xatirələrdə yaşayan səssiz qəhrəman” adlı tədbir keçirilib.

Tədbirdə rəsmilər, şəhid ailələri, qazilər, şəhid Xəqani Musayevin ailə üzvləri və məktəblilər iştirak ediblər.

İlk öncə Azərbaycan Respublikasının Dövlət Himni səsləndirilib, şəhidlərin əziz xatirəsi bir dəqiqəlik sükutla yad edilib.

Daha sonra şəhid Xəqani Musayevin həyat yolundan bəhs edən videoçarx nümayiş olunub.

Tədbirdə çıxış edənlər şəhidlərimizin göstərdiyi şücaətin gənc nəsil üçün hər zaman örnək olduğunu, onların vətənpərvərlik ruhunda tərbiyəsində mühüm yer tutduğunu vurğulayıblar. Qeyd olunub ki, bu gün qazandığımız hər bir uğur şəhidlərimizin qanı, canı bahasına əldə edilib və bu qəhrəmanlıq heç zaman unudulmamalıdır.

Şəhidin ailə üzvləri, qardaşı Xalid Musayev  çıxış edərək şəhid Xəqani Musayevlə bağlı xatirələrini bölüşüblər

Tədbirin bədii hissəsində “İMZA” Sosial İnkişafa Dəstək İctimai Birliyinin əməkdaşı Zəminə Muradovanın, qazi Hüseyn İsmayılovun və 114 nömrəli tam orta məktəbin şagirdlərinin ifasında şeirlər səsləndiriib.