Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində 15 İyun – Milli Qurtuluş Gününə həsr edilmiş “Xalqın himayədarı” adlı dəyirmi masa keçirilib.

Tədbirdə rəsmilər, ziyalılar, elm və mədəniyyət xadimləri, ictimaiyyət nümayəndələri iştirak ediblər.

Çıxış edənlər qeyd ediblər ki, 1990-cı illərin əvvəllərində ölkəmiz siyasi, iqtisadi və ictimai böhran içində idi. Məhz belə çətin və keşməkeşli bir dövrdə Azərbaycan xalqı nicat yolunu Ümummilli Lider Heydər Əliyevin siyasi səhnəyə qayıdışında görüb. 1993-cü ilin iyun ayında xalqın təkidli tələbi ilə Ulu Öndər Heydər Əliyev hakimiyyətə qayıdıb və qısa müddət ərzində ölkədə sabitlik, əmin-amanlıq və inkişafın təməli qoyulub.

Sonda tədbir iştirakçıları Ümummilli Lider Heydər Əliyevin zəngin irsini əsk etdirən ekspozisiya ilə tanış olublar.