Bakı Şəhər Mədəniyyət Baş İdarəsinin tabeliyində olan Niyazi adına 22 nömrəli Uşaq Musiqi Məktəbində Azərbaycanın görkəmli bəstəkarı, Xalq artisti Vasif Adıgözəlovun 90 illik yubileyinə həsr olunmuş mühazirə - konsert keçirilib.

Tədbirdə V.Adıgözəlovun mənalı ömür yolu və zəngin yaradıcılığı haqqında ətraflı məlumat verilib. Bildirilib ki, Vasif Adıgözəlov milli musiqi mədəniyyətimizə bir-birindən dəyərli sənət nümunələri bəxş edib. Onun mahnılardan tutmuş irihəcmli simfonik əsərlərədək müxtəlif musiqi janrlarını əhatə edən yaradıcılığı yüksək peşəkarlıq səviyyəsi və musiqi dilinin orijinallığı ilə diqqəti cəlb edərək geniş dinləyici kütlələrinin rəğbətini qazanıb.

Konsertdə  məktəbin müəllim və şagird kollektivi  bəstəkarın "Qərənfil", "Bakı", "Lay-lay", fortepiano üçün prelüd və kino musiqi üçün yazdığı mahnıları ifa ediblər.