Yanvarın 16-da Bakı Şəhər Mədəniyyət Baş İdarəsinin tabeliyində olan Xəzər rayon Mərkəzləşdirilmiş Kitabxana Sisteminin 6 nömrəli filialında Vətən müharibəsi şəhidi Kamran Füzuli oğlu Hacıyevin doğum günü münasibətilə tədbir keçirilib.

Tədbirdə şəhidin şərəfli həyat və döyüş yolundan  bəhs edilib. Bildirilib ki, Kamran Hacıyev Vətən müharibəsi zamanı Füzulinin və Hadrut qəsəbəsinin azadlığı uğrunda gedən döyüşlərdə savaşıb. O, oktyabrın 22-də Hadrut döyüşləri zamanı şəhid olub.

Kamran Hacıyev döyüşlərdə göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamlarına əsasən ölümündən sonra "Vətən uğrunda", "Xocavəndin azad olunmasına görə" medalları ilə təltif edilib.