Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin Mərkəzi Kitabxanası, Yasamal rayon Heydər Əliyev Mərkəzi və T.Abbasov adına 225 nömrəli tam orta məktəbin birgə təşkilatçılığı ilə “Unudulmayan 44 gün və yüksələn bayrağımız” adlı tədbir keçirilib.

Tədbirdə şəhid ailələri, məktəblilər və başqaları iştirak ediblər.

Tədbir Azərbaycan Respublikasının Dövlət Himninin səsləndirilməsi və şəhidlərimizin əziz xatirəsinin yad edilməsi ilə başlanıb.

Çıxış edənlər Zəfər Gününün tarixi əhəmiyyətindən, ordumuzun Vətən müharibəsində göstərdiyi qəhrəmanlıqlarından danışıblar.

Tədbirin bədii hissəsində yazıçı Sevinc Ağa Xəlilqızı “Zəfər mənimdir” poemasından bir parça səsləndirib, T.Abbasov adına 225 nömrəli tam orta məktəbin nəzdində olan “Kiçik Akademiya”nın üzvləri məruzə ilə çıxış ediblər. K.Səfərəliyeva adına 16 nömrəli Uşaq Musiqi Məktəbinin şagirdlərinin ifasında isə musiqi nömrələri dinlənilib.