Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin Mərkəzi Kitabxanası 9 May-faşizm üzərində Qələbə Günü və Ulu Öndər Heydər Əliyevin doğum günü ilə əlaqədar 158 nömrəli tam orta məktəbdə “Ulu Öndərimiz və Böyük Qələbə” adlı tədbir keçirib.

Tədbirdə Ulu Öndərin, şəhidlərimizin əziz xatirələri bir dəqiqəlik sükutla yad edilib.

Kitabxananın əməkdaşları Böyük Vətən müharibəsi haqqında uşaqlara məlumat verərək bildirib ki, bu Qələbə heç də asan başa  gəlməyib. Yüzlərlə, minlərlə həmvətənlərimiz bu qələbə naminə canlarından keçiblər.

Çıxışçılar həmçinin, Ulu Öndər Heydər Əliyevin həyat və fəaliyyəti  haqqında məlumat veriblər. Qeyd olunub ki, Ulu Öndər müharibə veteranlarının xidmətlərini çox yüksək qiymətləndirib.

Daha sonra şagirdlər şeirlər söyləyiblər.

Sonda “Ulu Öndərimiz və Böyük qələbə” adlı kitab sərgisinə baxış keçirilib.