Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində Ulu Öndər Heydər Heydər Əliyevin anım günü ilə əlaqədar dəyirmi masa keçirilib.

Dəyirmi masada Bakı Dövlət Universitetinin nəzdində “Gənc istedadlar” liseyinin və 150 saylı tam orta məktəbin müəllim və şagird kollektivi iştirak ediblər.

Qonaqlar öncə Mərkəzin ekspozisiya zalında dahi şəxsiyyət, Ulu Öndər Heydər Əliyevin zəngin siyasi irsi və Azərbaycanın ictimai – siyasi, sosial – iqtisadi və mədəni həyatının bütün sahələrindəki xidmətlərini özündə əks etdirən eksponatlarla tanış olublar.

Sonra “Heydər Əliyev irsi Azərbaycanın milli sərvətidir" və “Heydər Əliyev dühası” adlı mühazirələr dinlənilib, videoçarx nümayiş olunub.

Sonda şagirdlərə Xalq artisti , rejissor Vaqif Mustafayevin Heydər Əliyevin həyat və fəaliyyətindən bəhs edən 12 sənədli filmindən XI film olan “Heydər Əliyev. Dövlət" filminin III hissəsi təqdim olunub.