Bakı Şəhər Mədəniyyət Baş İdarəsinin Tofiq Quliyev adına 12 nömrəli onbirillik musiqi məktəbi Ümummilli liderimiz Heydər Əliyevin 100 illik yubileyinə həsr olunmuş konsert proqramı təqdim edib.

Konsert dirijor Mustafa Mehmandarovun rəhbərliyi ilə Ü.Hacıbəyli adına Dövlət Simfonik Orkestrinin müşayiəti ilə M.Maqomayev adına Azərbaycan Dövlət Akademik Filarmoniyasında baş tutub.  

Konsert zamanı məktəbin respublika və beynəlxalq müsabiqələrdə qalib adı qazanmış şagirdləri və III respublika müsabiqəsinin qalibi olmuş böyük xor  kollektivi  F.Mendelson, V.Motsart, A.Skryabin, T.Bakıxanov, V.Adıgözəlov, M.Balakirev, K.Sen -Sans, C.Gerşvin, A.Məlikov və L.Vaynşteynin əsərlərini ifa ediblər.