Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzinin, Bakı Şəhər Gənclər və İdman İdarəsinin Qaradağ rayon sektoru və Qərbi Azərbaycan İcmasının təşkilatçılığı ilə 8 Noyabr–Zəfər Günü münasibətilə “Tarixi Azərbaycan” adlı “Nə? Harada? Nə zaman?” intellektual oyunu keçirilib. 

İlk öncə tədbir iştirakçıları mərkəzdə keçirilən "Yaşıl fikirlər" adlı rəsm sərgisinə baxış keçiriblər.

Oyunda Qaradağ rayon 184,106,166,233,288,139,197,180 nömrəli tam orta məktəblərin şagirdləri iştirak ediblər.

İki turdan ibarət oyunun ümumi yekun nəticələrinə əsasən “Zəfər” komandası I yerə, “Qarabağ” komandası II yerə, “Böyük Azərbaycan” komandası III yerə layiq görülüblər.

Qeyd edək ki, oyunun keçirilməsində məqsəd məktəblilərin Azərbaycan tarixi haqqındakı biliklərini və məntiqi təfəkkürlərini möhkəmləndirməkdir.