Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində 18 aprel – Beynəlxalq Abidələr və Tarixi Yerlər Gününə həsr edilmiş “Tarixi abidələrimizi qoruyaq” adlı mühazirə keçirilib.

Tədbirdə 87 nömrəli tam orta məktəbin müəllim və şagird kollektivi iştirak ediblər.

Mühazirə zamanı bildirilib ki, 18 Aprel – Beynəlxalq Abidələr və Tarixi Yerlər Günü 1983-cü ildə UNESCO tərəfindən təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir. Abidələr və tarixi yerlər xalqın kimliyini və keçmişini əks etdirən dəyərli nümunələrdir.

Beynəlxalq Abidələr və Tarixi Yerlər Günü ölkəmizdədə geniş şəkildə qeyd olunur. Bu gün münasibətilə müxtəlif sərgilər və tədbirlər təşkil edilir.     

Sonda mühazirə iştirakçıları Ümummilli Lider Heydər Əliyevin zəngin irsini əks etdirən ekspozisiya ilə tanış olublar.