Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində 27 sentyabr - Anım Gününə həsr olunmuş “Tarixdə izi qalanlar” adlı tədbir keçirilib.

Tədbirdə rəsmilər, ictimaiyyət nümayəndələri, müharibə veteranları, şəhid ailələri və başqaları iştirak ediblər.

Əvvəlcə Azərbaycan Respublikasının Dövlət Himni səsləndirilib, Azərbaycanın suverenliyi  uğrunda canından keçən şəhidlərimizin əziz xatirəsi yad edilib.

Daha sonra çıxışçılar Zəfər tariximizdən, torpaqlarımızın düşmən təcavüzündən azad edilməsində misilsiz qəhrəmanlıq göstərən Vətən müharibəsi şəhidi və qazilərinin göstərdikləri şücaət və fədakarlıqdan söhbət açıblar.

Tədbir zamanı “Sulu boya ilə işləmə texnikası” adlı master klass keçirilib, vətənpərvərlik mövzusunda sulu boya ilə öyrədici rəsmlər çəkilib.

Sonda iştirakçılar Ümummilli lider Heydər Əliyevin zəngin və çoxşaxəli irsini əks etdirən ekspozisiya ilə tanış olublar.