Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzində Azərbaycan xalqının Ümummilli lideri Heydər Əliyevin zəngin və çoxşaxəli irsinin yetişməkdə olan nəsillərə öyrədilməsi və təbliği məqsədilə “Balaca qonaqlar” adlı yeni layihəyə start verilib.

Layihənin ilk qonağı 276 nömrəli körpələr evi-uşaq bağçası olub.

İlk öncə Ulu Öndər Heydər Əliyevin xatirəsinə ucaldılmış abidəsinin önünə gül dəstələri düzülüb.

Mərkəzin bələdçisi qonaqlara müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin zəngin həyat yolu və müstəsna fəaliyyətləri barədə məlumat verib.

Sonra uşaqlar cizgi filmi izləyib, rəsmlər çəkiblər.

Sonda balacalar vətənpərvər mahnılarla çıxış ediblər.