Bakı Şəhər Mədəniyyət Baş İdarəsinin tabeliyində olan Səbail  rayon Mərkəzləşdirilmiş Kitabxana Sisteminin Mərkəzi  Kitabxanasında Vətən müharibəsi şəhidi, polkovnik-leytenant Mehman Qənbərova həsr olunmuş  tədbir keçirilib.

Tədbirdə şəhidin ailə üzvləri, qazilər, döyüş yoldaşları və digər qonaqlar iştirak ediblər.

İlk öncə Azərbaycan Respublikasının  Dövlət  Himni səsləndirilib, şəhidlərin  əziz xatirəsi bir dəqiqəlik sükutla yad edilib.

Daha sonra şəhidə həsr olunan videoçarx nümayiş olunub.

Tədbirdə şəhid Mehman Qənbərovun əziz xatirəsi yad edilib, onun qəhrəmanlıq salnaməsi, döyüş yolu haqqında  məlumat verilib.

Sonda həyat yoldaşı Xuraman Qənbərova şəhidə həsr etdiyi “Azərbaycan zabiti” adlı kitabını tədbir iştirakçılarına təqdim edib.