Bakı Şəhər Mədəniyyət Baş İdarəsinin təşkilatçılığı ilə Xətai rayon Heydər Əliyev parkında “Qonağımız var” layihəsi çərçivəsində tanınmış müğənni Xatun Əliyevanın konserti keçirilib.

Sakinlərin asudə vaxtını və istirahətini səmərəli təşkil etmək məqsədilə təşkil edilmiş konsertdə şəhid ailələrinin üzvləri, rayon ağsaqqalları, Heydər Əliyev adına Hərbi İnstitutun kursantları, ictimaiyət nümayəndələri və sakinlər iştirak ediblər.

Aparıcı konserti açıq elan edərək, tanınmış müğənnini səhnəyə dəvət edib.

Konsertdə Xatun Əliyeva ard-arda sevilən mahnılarını səsləndirib.