Bakı Şəhər Mədəniyyət Baş İdarəsi Qaradağ rayon Heydər Əliyev Mərkəzinin və Bakı Şəhər Gənclər və İdman İdarəsinin Qaradağ rayonu üzrə gənclər və idman sektorunun birgə təşkilatçılığı ilə  9 Noyabr - Dövlət Bayrağı Gününə həsr olunmuş “Şanlı Bayrağım” adlı bədii qiraət müsabiqəsi keçirilib.

Müsabiqədən əvvəl iştirakçılar Ümummilli Lider Heydər Əliyevin 100 illik yubileyi münasibətilə Mərkəzin foyesində təşkil olunmuş Ulu Öndərin həyat və fəaliyyətini əks etdirən fotosərgi ilə tanış olublar.

Tədbir Azərbaycan Respublikasının Dövlət Himninin səsləndirilməsi və şəhidlərin əziz xatirəsinin bir dəqiqəlik sükutla yad edilməsi ilə açıq elan edilib.

Tədbirdə müstəqilliyimizin rəmzi olan Azərbaycan Dövlət Bayrağının tarixi barədə danışılıb, bayrağın dövlətin bütövlük, müstəqillik, ucalıq, müqəddəslik rəmzi olduğu vurğulanıb.

Sonra müsabiqəyə start verilib. Müsabiqədə şagirdlər Azərbaycan şairlərinin bayraq haqqında şeirlərini səsləndirib, bədii kompozisiyalarla çıxış ediblər.

Münsiflər heyətinin qərarına əsasən müsabiqədə 11-14 yaş qrupunda I yerə Aylin Ağayeva, 15-17 yaş qrupunda isə Duyğu Hacıyeva layiq görülüb.

I, II, III yerlərin sahibləri Bakı Şəhər Gənclər və İdman İdarəsinin diplom və medalları, digər iştirakçılar fərqlənmə diplomlarları ilə təltif ediliblər.