Noyabrın 7-də Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzində “Haqqın Zəfəri” adlı tədbir keçirilib.

Tədbir Azərbaycan Respublikasının Dövlət Himninin səsləndirilməsi, Vətən uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlanıb.

Sonra Zəfər tarixindən bəhs edən videoçarx nümayiş etdirilib.

Çıxışlar zamanı bildirilib ki, işğal altındakı ərazilərimizin azad edilməsi ilə nəticələnən 44 günlük bu müqəddəs savaş, tariximizin ən parlaq səhifəsinə çevrilib və Azərbaycan xalqının şərəf və ləyaqət anı kimi çağdaş tariximizə yazılıb. Ali Baş Komandanın qətiyyətli mövqeyi, Azərbaycan əsgərinin şücaəti, xalqımızın birliyi nəticəsində düşmənin müqaviməti qırılıb və təqvimimizə Zəfər Günü kimi şanlı bir tarix əbədi həkk olunub.

Tədbirin bədii hissəsində 288 nömrəli tam orta məktəbin şagirdləri şanlı Qələbəmizə həsr olunmuş şeirlər səsləndiriblər.