XƏBƏRLƏR
MƏLUMAT
Qaradağ rayon Heydər Əliyev Mərkəzində dəyirmi masa keçirilib
ÜMÜMİ XƏBƏRLƏR
22/11/2023 11:29

Noyabrın 21-də Bakı Şəhər Mədəniyyət Baş İdarəsinin Qaradağ rayon Heydər Əliyev Mərkəzində “Vətənin müdafiəsi  üçün  müraciət  və  torpaqların  işğaldan  azad  olunmasının təməli” mövzusunda dəyirmi masa keçirilib.

İlk öncə Ulu Öndər Heydər Əliyevin abidəsi önünə gül dəstələri qoyulub, dahi şəxsiyyətin xatirəsi ehtiramla yad olunub. 

Tədbir iştirakçıları əvvəlcə   “Ümummilli lider Heydər Əliyev və Azərbaycan Mədəniyyəti 100” adlı sərgiyə baxış keçiriblər. 

Sonra Ulu Öndər Heydər Əliyevin ordumuza, əsgərlərimizə göstərdiyi qayğı və diqqəti əks etdirən eyni zamanda cəbhə bölgələrinə səfərləri ilə bağlı görüntüləri özündə əks etdirən videoçarx təqdim olunub.

Tədbirdə iştirak edənlər Ulu Öndər Heydər Əliyevin Azərbaycan tarixindəki müstəsna rolundan, o cümlədən demokratik, hüquqi dövlət quruculuğunda, ölkəmizin qüdrətlənməsində, xalqın rifahının yüksəldilməsində misilsiz xidmətlərindən danışıblar.

Qeyd olunub ki, Ümummilli Lider Azərbaycanın müasir simasının, xalqımızın zəngin dəyərlərinin tanıdılmasında və ölkəmizin beynəlxalq münasibətlər sistemində layiqli mövqe qazanmasında müstəsna rol oynayıb.

Baxış sayı: 162