Bakı Şəhər Mədəniyyət Baş İdarəsinin tabeliyində olan İbrahim Əbilov adına Mədəniyyət Mərkəzində "Qarabağ Zəfəri" adlı tədbir keçirilib.

Əvvəlcə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.

Çixış edənlər  44 günlük Vətən müharibəsinin Azərbaycanın tarixinə qızıl hərflərlə əbədi yazıldığını, bu qələbənin Prezident, Müzəffər Ali Baş Komandan İlham Əliyevin qətiyyəti, siyasi iradəsi, yenilməz ordumuzun şücaəti, qəhrəmanlığı, qorxmaz, cəsur əsgərlərimizin canı, qanı bahasına, xalqımızın birliyi hesabına qazanıldığını vurğulayıblar.

Tədbirin bədii hissəsində  Mədəniyyət Mərkəzinin "Könül" xalq rəqs ansamblı, Ə. Ələkbərov adına xalq teatrı, "Oğuzlar" folklor xalq ansamblının üzv və solistləri,  gənc müğənnilər çıxış ediblər.