Martın 14-də Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində “Novruz bayramı milli-mənəvi dəyərlərimizin təcəssümüdür” mövzusunda tədbir keçirilib.

Tədbirdə 1 nömrəli Bakı Tibb Kollecinin tələbələri və Fizika-riyaziyyat və informatika təmayüllü liseyin müəllim və şagird kollektivi iştirak ediblər.

İlk öncə tələbələr və şagirdlər Mərkəzin muzey bölməsində Ulu Öndər Heydər Əliyevin siyasi irsini əks etdirən eksponatlarla tanış olublar.

Tədbir Azərbaycan Respublikasının Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə açıq elan edilib.

Çıxış edənlər Azərbaycan tarixində  milli- mənəvi dəyərlərimizi əks etdirən Novruz bayramının rəsmi dövlət bayramı kimi qeyd edilməsini  Ümummilli lider tərəfindən xalqın milli dəyərlərinə qayğı və hörmətinin təzahürü olduğunu qeyd ediblər.

Daha sonra Vaqif Mustafazadə adına 2 nömrəli Uşaq İncəsənət Məktəbinin şagirdlərinin ifasında rəqslər nümayiş olunub.

Sonda Heydər Əliyevin Novruz şənliklərində iştirakını əks etdirən videoçarx nümayiş olunub.