Bakı Şəhər Mədəniyyət Baş İdarəsinin tabeliyində olan Niyazi adına 22 nömrəli Uşaq Musiqi Məktəbinin şagirdləri 24 yanvar tarixində Beynəlxalq Muğam Mərkəzində keçirilən III Beynəlxalq “Grand Piano” müsabiqəsində və yanvarın 25-i Bakı Gənclər Mərkəzində keçirilən  “Azerbaijan Stars” adlı Birinci Beynəlxalq İncəsənət Müsabiqəsində uğurla çıxış ediblər. Hər iki müsabiqə “Astana Stars” Beynəlxalq Festival Hərəkatı, Azərbaycan və Qazaxıstan ölkələrinin təşkilatçılığı ilə keçirilib.

III Beynəlxalq “Grand Piano” müsabiqəsində fortepiano solo nominasiyasında məktəbin III sinif şagirdləri Banu Qasımova, Nüşabə Əlizadə II yerə, Aysel Piriyeva III yerə, V sinif şagirdi Fatimə Hüseynova III yerə, fortepiano dueti nominasiyasında IV sinif şagirdləri Cahan Rzazadə və Fərəh İsmayılova  I yerə, II sinif şagirdləri Gültəkin Abdullayeva və Safurə Qasımova III yerə, III sinif şagirdi Nüşabə Əlizadə və II sinif şagirdi Fərhad Nağızadə isə diplomant adına layiq görülüblər.

“Azerbaijan Stars” adlı Birinci Beynəlxalq İncəsənət Müsabiqəsində tar nominasiyası üzrə II sinif şagirdi Toğrul Həsənzadə və III sinif şagirdi İbrahim Abbasov uğurla çıxış edərək  diplomant adını qazanıblar.

Müəllimlər Ləman Əhədova, Dilarə Əhmədova və Rüfət Mustafayev Təşəkkürnamə ilə təltif olunublar.