Noyabrın 5-də Bakı Şəhər Mədəniyyət Baş İdarəsinin tabeliyində olan Nəriman Nərimanovun xatirə muzeyində “Zəfərimiz Əbədidir”adlı tədbir keçirilib.

Tədbirdə şəhid anaları, qazilər, mətbuat nümayəndələri, Bakı Qızlar Universitetinin tələbələri, Bülbül adına orta ixtisas musiqi məktəbinin müəllim və şagirdləri, 189-190 nömrəli tam orta məktəbin  şagirdləri və digər qonaqlar iştirak ediblər.

Tədbir Azərbaycan Respublikasının Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə başlanıb.

Çıxış edənlər Ali Baş Komandan İlham Əliyevin rəhbərliyi altında 44 günlük Vətən müharibəsi tarixindən, oğullarımızın vətənpərvərliyindən, keçdikləri qəhrəmanlıq yolundan, milli birliyimizdən bəhs ediblər.

Sonra Zəfər Günü ilə bağlı videoçarx nümayiş olunub.

Tədbirin bədii hissəsində musiqi məktəbinin şagirdlərinin çıxışları təqdim olunub.