Bakı Şəhər Mədəniyyət Baş İdarəsinin tabeliyində olan Nizami rayon Mərkəzləşdirilmiş Kitabxana Sisteminin Mərkəzi Kitabxanası 109 nömrəli tam orta məktəbdə Xalq şairi, nasir, dramaturq Nəbi Xəzrinin anadan olmasının 100 illik yubileyi ilə əlaqədar "Nəbi Xəzri -100" adlı söhbət keçirib.

Söhbət zamanı Nəbi Xəzrinin həyat yolu, fəaliyyəti və yaradıcılığından danışılıb. Nəbi Xəzrinin Azərbaycan ədəbiyyatını yeni poetik obrazlarla zənginləşdirərək onun inkişafında özünəməxsus rol oynamış görkəmli söz ustadlarından olduğu qeyd edilib. Bildirilib ki, Nəbi Xəzri eyni zamanda ictimai xadim kimi səmərəli fəaliyyət göstərib, Azərbaycan mədəniyyəti və incəsənətinin xarici ölkələrdə təbliği istiqamətində təqdirəlayiq işlər görüb.