İyunun 25-də Bakı Şəhər Mədəniyyət Baş İdarəsinin tabeliyində olan İbrahim Əbilov adına Mədəniyyət Mərkəzinin təşkilatçılığı ilə Ədliyyə Nazirliyinin Penitensiar xidmətinin Mühafizə alayında 26 İyun - Silahlı Qüvvələr Gününə həsr olunmuş "Müzəffər Sərkərdə, yenilməz Ordu" adlı tədbir keçirilib.

İlk öncə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.

Çıxış edənlər silahlı qüvvələrimizin şanlı tarixindən bəhs ediblər.

Qeyd ediblər ki, zamanın sınaqlarından alnıaçıq çıxmış silahlı qüvvələrimiz xalqımızın etibarlı mühafizəçisinə çevrilərək torpaqlarımızı istənilən hücumdan qorumağa qadir mükəmməl ordudur. Bu güclü ordu Ümummilli Lider Heydər Əliyevin və onun siyasi kursunun layiqli davamçısı Prezident, Müzəffər Ali Baş Komandan cənab İlham Əliyevin ən böyük nailiyyətlərindən biridir. Məhz, cənab Prezidentin mahir sərkərdəlik bacarığı sayəsində rəşadətli Orudumuz cəmi 44 gün ərzində düşmənin silahlı qüvvlərini darmadağın edərək işğal altında olan torpaqlarımızı azad edib.

Tədbirdə Mədəniyyət Mərkəzinin "Könül" xalq rəqs ansamblı, "Oğuzlar" folklor xalq ansamblının üzv və solistləri, gənc və istedadlı müğənnilər çıxış ediblər.

Sonda tədbir iştirakçılarına Ədliyyə Nazirliyinin Penitensiar xidmətinin Mühafizə alayı tərəfindən diplomlar təqdim edilib.