Bakı Şəhər Mədəniyyət Baş İdarəsinin tabeliyində olan Vaqif Mustafazadə adına Mədəniyyət Mərkəzində 28 May – Müstəqillik Gününə həsr olunmuş "Müstəqillik günü tariximizin ən şanlı və parlaq səhifələrindəndir" adlı tədbir keçirilib.

İlk öncə Azərbaycan Respublikasının Dövlət Himni səsləndirilib, şəhidlərmizin əziz xatirəsi bir dəqiqəlik sükutla yad edilib.

Çıxış edənlər 28 May – Müstəqillik Gününün tarixindən danışıblar. Bildirilib ki, Müstəqillik Günü artıq Azərbaycanın  işğaldan azad olunan torpaqlarında da qeyd olunur.

Bədii hissədə Mərkəzin “Ada” rəqs qrupu,  243,186 nömrəli tam orta məktəblərin və 14 nömrəli Uşaq Musiqi Məktəbinin şagirdləri şeir, musiqi və ədəbi-bədii kompozisiya ilə çıxış ediblər.