Bakı Şəhər Mədəniyyət Baş İdarəsinin Yasamal rayon Heydər Əliyev Mərkəzində 18 nömrəli tam  orta  məktəbin  müəllim  və şagird  kollektivinin  iştirakı  ilə  Ulu  Öndər Heydər Əliyevin anım günü ilə əlaqədar “Müstəqil  Azərbaycan  Heydər  Əliyevin   şah əsəridir” adlı açıq dərs keçirilib.

Məktəblilər öncə Mərkəzin muzey bölməsi ilə tanış olublar. Burada onlara  Ulu Öndərin həyatının və ictimai-siyasi fəaliyyətinin müxtəlif dövrlərini, zəngin və çoxşaxəli siyasi irsini, ölkəmizin tərəqqisi uğrunda göstərdiyi çoxsaylı xidmətləri özündə əks etdirən eksponatlar və fotoşəkillər haqqında məlumat verilib.

Tədbirdə Ümummilli Liderin həyatının bütün mərhələlərində Azərbaycanın inkişafı naminə çalışdığı qeyd edilib, Heydər Əliyevin ömrünü milli həmrəyliyin təmin olunması, dövlət maraqlarının qorunması, dövlətçilik ənənələrinin inkişafı, gücləndirilməsi və yaşadılmasına həsr etdiyi bildirilib.

Sonra açıq dərs mövzu ətrafında şagirdlərin çıxışları ilə davam edib.

Sonda Ulu Öndər Heydər Əliyevin həyat və fəaliyyətindən bəhs edən film nümayiş olunub.