Bakı Şəhər Mədəniyyət Baş İdarəsinin tabeliyində olan Nərimanov rayon Mərkəzləşdirilmiş Kitabxana Sisteminin Mərkəzi Kitabxanasında “Müdrik qələm” adlı tədbir keçirilib. Tədbirin qonağı İsveçdə yaşayan yazıçı-filosof Eluca Atalı olub.

Tədbirdə ziyalılar və kitabxananın fəal oxucuları iştirak ediblər.

Əvvəlcə Azərbaycan Respublikasının Dövlət Himni səsləndirilib və şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan aparıcı yazıçının həyatı və yaradıcılığı haqqında məlumat verərək bildirib ki, Eluca Atalı vətəndən kənarda yaşasa da, Azərbaycanla, Türk dünyası ilə bağlı kifayət qədər səmərəli işlər görür, yazıları ilə mənsub olduğu millətin və ölkənin adına layiq fəaliyyət göstərir.

Daha sonra Eluca Atalının həyatı və bədii fəaliyyətinə həsr olunmuş videoçarx nümayiş etdirilib.

Sonda yazıçı oxucuları maraqlandıran sualları cavablandırıb və əsərlərindəki fəlsəfi fikirləri onlarla bölüşüb.