Bakı Şəhər Mədəniyyət Baş İdarəsinin tabeliyində olan Qaradağ rayon Heydər Əliyev Mərkəzində "Müasir Azərbaycan dövlətinin  qurucusu- Heydər Əliyev " adlı dəyirmi masa keçirilib.

Ümummilli Lider Heydər Əliyevin anadan olmasının 102-ci ildönümü ilə əlaqədar keçirilən tədbirdə rəsmilər, ziyalılar, elm xadimləri, rayon ictimaiyyətinin nümayəndələri, təhsil müəssisələrinin rəhbərləri, kitabsevərlər, fəal gənclər iştirak ediblər.

İlk öncə Ümummilli liderin Lökbatan qəsəbəsində yerləşən Heydər Əliyev Parkında ucaldılmış abidəsinin önünə gül dəstələri qoyulub.

Daha sonra tədbir iştirakçıları Mərkəzdə Ümummilli liderin genişmiqyaslı siyasi və dövlətçilik fəaliyyətini əks etdirən eksponatlardan ibarət ekspozisiyalarla, həyat və fəaliyyətini əks etdirən nəşr materiallarından ibarət sərgi ilə tanış olublar.      

Tədbirdə Azərbaycan Respublikasının Dövlət Himni səsləndirilib. Ulu Öndər Heydər Əliyevin əziz xatirəsi bir dəqiqəlik sükutla yad edilib.

Çıxışçılar qeyd ediblər ki, Ümummilli Lider Heydər Əliyevin mənalı ömür yolu, dövlətçilik idealları və xalqı qarşısında misilsiz xidmətləri tariximizin ən parlaq səhifələrini təşkil edir. Onun zəngin həyat və fəaliyyətinin hər bir məqamı müstəqil Azərbaycanın qurulması, gücləndirilməsi və beynəlxalq aləmdə tanınması üçün strateji bir yol xəritəsidir.    

Sonda videoçarx nümayiş olunub.