2 Fevral - Azərbaycan Gəncləri Günüdür. Milli Kitabxanada bu əlamətdar gün münasibətilə “2 fevral - Azərbaycan Gəncləri Günü” adlı ənənəvi geniş kitab sərgisi açılıb.

Kitabxanadan AZƏRTAC-a bildirilib ki, sərgidə “Ümummilli Lider Heydər Əliyev və Azərbaycan Respublikasında gənclər siyasəti”, “Prezident İlham Əliyev və müasir Azərbaycan gəncləri”, “Gənclər siyasəti ilə bağlı normativ hüquqi sənədlər toplusu”, “Gənclərdə vətənpərvərlik ruhunun formalaşması”, “Azərbaycan gəncləri statistik məcmuələri”, “Gənc tədqiqatçıların elmi əsərləri” mövzularda, eləcə də ölkəmizin ictimai-siyasi, iqtisadi, mədəni həyatında gənclərin rolu, torpaqlarımızın bütövlüyü və azadlığı yolunda canından keçən igid qəhrəmanlar haqqında Azərbaycan və müxtəlif dillərdə ədəbiyyatlar, gənclərdə milli mənlik, vətənə sədaqət ruhu aşılayan mahnıların musiqi notları nümayiş olunur.

Sərgi bir həftə davam edəcək.