Bakı Şəhər Mədəniyyət Baş İdarəsinin tabeliyində olan Yasamal rayon Heydər Əliyev Mərkəzində 20 Yanvar faciəsinin 35-ci ildönümü ilə əlaqədar “Milli iradəmizin zəfər çaldığı gün” adlı tədbir keçirilib.

Tədbirdə rəsmilər, 20 Yanvar hadisələrinin şahidləri, Yasamal rayon 286 və 158 nömrəli tam orta məktəblərin müəllim və şagird kollektivi iştirak ediblər.

İlk öncə Azərbaycan Respublikasının Dövlət Himni səsləndirilib, 20 Yanvar şəhidlərinin əziz xatirəsi bir dəqiqəlik sükutla yad edilib.

Çıxış edənlər 20 Yanvar faciəsi zamanı azadlıq uğrunda canlarından keçmiş vətən övladlarının o qanlı gündə müasir Azərbaycan tarixində qəhrəmanlıq salnaməsinə parlaq səhifə yazdıqlarını qeyd ediblər.

Daha sonra “20 Yanvar faciəsi xalqımızın azadlıq mübarizəsinin rəmzidir” mövzusunda mühazirə dinlənilib.

Sonda şagirdlərin ifasında 20 Yanvar hadisələrinə həsr olunmuş şeirlər səsləndirilib.