Bakı Şəhər Mədəniyyət Baş İdarəsinin tabeliyində olan Suraxanı rayon Heydər Əliyev Mərkəzinin və 36 nömrəli Uşaq Musiqi Məktəbinin birgə təşkilatçılığı ilə “Milli Həmrəylik: Birlikdən doğan güc” adlı tədbir keçirilib.

31 dekabr-Dünya Azərbaycanlılarının Həmrəyliyi Gününə həsr olunmuş tədbirdə rəsmilər, mədəniyyət işçiləri,  idarə və müəssisələrin əməkdaşları və digər qonaqlar iştirak ediblər.

Əvvəlcə Azərbaycan Respublikasının Dövlət Himni səsləndirilib, şəhidlərimizin əziz xatirəsi ehtiramla yad edilib.

Tədbirdə çıxış edənlər bildiriblər ki, Ulu Öndər Heydər Əliyev milli həmrəyliyi Azərbaycan dövlətçiliyinin əsas sütunlarından biri kimi dəyərləndirib, xalq–dövlət birliyinin ölkənin inkişafında həlledici rol oynadığını daim vurğulayıb. Onun müəyyənləşdirdiyi milli birlik siyasəti cəmiyyətdə sabitliyin, qarşılıqlı etimadın və dövlət maraqlarının təmin olunmasına xidmət edib. Bu strateji xətt bugün də uğurla davam etdirilir və milli həmrəylik Azərbaycanın gücünün, müstəqilliyinin və davamlı inkişafının əsas təminatçısı olaraq qalır.

Bədii hissədə Musiqi Məktəbinin şagirdləri Azərbaycan və dünya bəstəkarlarının əsərlərindən ibarət proqramla çıxış ediblər.

Sonda tədbir iştirakçıları Ümummilli Lider Heydər Əliyevin zəngin irsini əks etdirən ekspozisiya ilə tanış olublar.