Bakı Şəhər Mədəniyyət Baş İdarəsinin Mərdəkan Mədəniyyət Sarayında Azərbaycanın Milli Qəhrəmanı Səfa Axundova həsr olunmuş tədbir keçirilib.

İlk olaraq Azərbaycan Respublikasının Dövlət Himni səsləndirilib, torpaqlarımızın azadlığı uğrunda şəhidlik zirvəsinə ucalan Vətən oğullarının əziz xatirəsi bir dəqiqəlik sükutla yad edilib.

Tədbirdə çıxış edənlər  Azərbaycanın Milli Qəhrəmanı Səfa Axundovun həyatı, keçdiyi şərəfli döyüş yolundan danışıb, onun mənalı ömür yolunun gənclərə layiqli örnək olduğu vurğulayıblar.Bildirilib ki, I Qarabağ müharibəsi şəhidi Səfa Axundov Mİ-8 vertolyotunun pilotu olub. 1992-ci il yanvarın 28-də  Şuşaya iki uğurlu uçuşunu edir. Yenidən Şuşa istiqamətində uçuş edərkən Xankəndi istiqamətindən atılan raket vertolyotu partladılıb. Üç heyət üzvü və 47 nəfər sərnişin faciəli surətdə həlak olub.

Daha sonra rejissor Zülfiyyə Abdullayevanın Səfa Axundovun xatirəsinə həsr olunmuş "Göylərə bağlı Səfa" adlı qısametrajlı sənədli filmi nümayiş olunub. Filmdə Milli Qəhrəmanın keçdiyi qəhrəmanlıq yolu öz əksini tapıb.