Bakı Şəhər Mədəniyyət Baş İdarəsinin tabeliyində olan Mərdəkan Mədəniyyət Sarayının və Azərbaycan Milli Konservatoriyasının nəzdində olan musiqi kollecinin birgə təşkilatçılığı ilə Ulu öndər Heydər Əliyevin anadan olmasının 101 illiyinə həsr olunmuş konsert proqramı keçirilib. 

İlk öncə Azərbaycan Respublikasının Dövlət Himni səsləndirilib.

Sonra  qeyd olunub ki,  Azərbaycanın inkişaf prosesinin əsasını qoyan, müstəqil Azərbaycan dövlətinin memarı və qurucusu olan Heydər Əliyev xalqımızın qəlbində daim yaşayır və yaşayacaqdır.

Konsert proqramında  musiqi kollecinin tələbələri , xor kollektivi, mədəniyyət sarayınn  “Lalələr” rəqs ansamblı və “Kiçik qala” rəqs qrupu çıxış ediblər.

Sonda Mərdəkan Mədəniyyət Sarayı tərəfindən tədbir iştirakçılarına təşəkkürnamələr təqdim olunub.