XƏBƏRLƏR
MƏLUMAT
Mərdəkan Mədəniyyət Sarayında konsert keçirilib
ÜMÜMİ XƏBƏRLƏR
03/02/2023 05:12

Fevralın 2-də Bakı Şəhər Mədəniyyət Baş İdarəsinin Mərdəkan Mədəniyyət Sarayında Azərbaycan Gəncləri Gününə həsr olunmuş konsert keçirilib.

İlk öncə Azərbaycan Respublikasının Dövlət Himni səsləndirilib, Vətən uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Sonra Gənclər Gününə həsr edilmiş videoçarx nümayiş olunub.

Konsert zamanı Sarayda fəaliyyət göstərən “Aikido” idman kursunun tələbələri, “Lalələr” ansamblı, “Azad” rəqs qrupu və gənc müğənnilər çıxış ediblər.

Sonda rəsm dərnəyi üzvlərinin Gənclər Gününə həsr olunmuş əl işlərindən ibarət sərgiyə baxış keçirilib və fəal gənclərə Fəxri Diplomlar təqdim olunub.

Baxış sayı: 339