Dekabrın 3-də Bakı Şəhər Mədəniyyət Baş İdarəsinin tabeliyində olan Mərdəkan Mədəniyyət Sarayında “Mədəniyyət incisi” layihəsi çərçivəsində estrada müğənnisi Xatun Əliyeva ilə görüş keçirilib.

Görüşdə ictimaiyyət nümayəndələri, Xəzər rayonundakı təhsil və mədəniyyət müəssisələrinin nümayəndələri, musiqisevərlər və digər qonaqlar iştirak ediblər.

Tədbirin aparıcısı sevilən müğənninin həyat və fəaliyyəti haqqında məlumat verib və yaradıcılıq uğurlarından söhbət açıb.

Görüş zamanı Xatun Əliyeva “Səma” rəqs kollektivinin müşayiəti ilə repertuarından sevilən mahnılarını ifa edib .

Tamaşaçılarla səmimi ünsiyyət yaradan müğənni ona ünvanlanan sualları cavablandırıb.